Contei na historia anterior como fun ata Enfield e rematei dicindo que tiña que volver alí.Pois creo que volvín.
E fixádevos que digo creo, porque non estou seguro.
Despois de falalo con Alexia chegamos á conclusión de que volvín a Enfield e, unha vez máis, sen cámara que o demostre.
A historia foi así:
Unha noite do mes de xullo decidimos algúns compañeiros de La Tasca ir tomar algo. O que só era ir tomar algo rematou nunha boa alegría no corpo.
Lémbrome que eran as 4.35 horas cando deixei ós meus compañeiros. O autobús pilleino uns dez minutos despois.
Cando cheguei a Wood Green eran case as 7.30 horas da mañá.
¿Que pasou nesas case tres horas?
Ninguén no mundo o sabe.
Despois de comentalo con Alexia e de rirnos un bo anaco, a conclusión á que chegamos foi que:
Collín o autobús N29 ás 4.45 horas dirección Wood Green. Quedei durmindo, así que debín visitar de novo (e sen querer) Enfield.
Arredor das 5.30 horas cheguei a Enfield.
O conductor ou non me viu ou pasou de min, así que ás 5.45 horas arrancou de novo en dirección Trafalgar Square.
Ás 6.20 horas o N29 chegou a Trafalgar Square.
O conductor xa me debía de considerar parte do mobiliario, así que, ás 6.30 horas, arrancou de novo dirección norte de Londres.
Por sorte, esta vez o autobús só ía ata Wood Green e non ata Enfield. As 7.20 horas da mañá unha voz feminina gravada díxome algo que xa se facía familiar: This bus terminates here...
Saín do autobús e marchei para casa coma se nada despois de perder tres horas da miña vida no transporte público londiniense.
Sorte que espertei en Wood Green porque se non estaría paseando de arriba abaixo todo o día.
A ver se á terceira levo a cámara.
2 comentarios:
m parto.. el otro dia t lo iba a recordar, xo como en la otra historia dijiste q tardaste en un trayecto d 45min..2horas, pues pensé q a ese viajecito t referías...cada vez q m acuerdo cnd llegamos a esa conclusión m parto. Has pensado en ponerte la alarma en el bus?o yo q se, dile al driver q t avise!!
ya sé q m ignoras, y lo tngo aceptado xo t mande un sms cn una pregunta.. y ayer t di un toq, en plan!! t acuerdas q no m contestaste? pues eso, q m digas q días vas a spain q ya sabes lo q kiero de ti.. jiji..
Publicar un comentario