Non tódalas liñas de autobús en Londres son tan cutres coma a N29.Existe tamén a N91 (que non é que sexa o colmo do glamour, nin moito menos), pero no que de vez en cando pasan cousas boas (algo impensable na N29).
É unha parvada, pero alguén que te faga sorrir ás tres e pico da mañá en Londres, co frío que facía e despois dunha longa xornada de traballo, ben merece un pequeno oco neste blog.
O autobús ía cheo, como é típico nunha fin de semana, e eu ía na parte de riba.
Unha parella (el branco, ela de orixe indio) subiu ó piso superior, pero tiveron que quedar de pé xa que tódolos asentos estaban ocupados.
Despois duns cantos bicos e arrumacos a rapaza soltou ó mozo e, dirixíndose á audiencia cun bonito sorriso e unha voz moi aguda, berrou:
-Hello, guys! Today is my birthday and I want to celebrate it with all of you! Anybody wants a chocolate?
E púxose a pasear polo autobús repartindo bombóns mentres o seu mozo (ou amante, ou irmán adoptivo con moito dereito a roce) miraba para ela sorrindo e os pasaxeiros lle desexaban un Happy birthday!
Feliz aniversario, anglo-india descoñecida que me fixo sorrir.
2 comentarios:
Yo flipo con los buses en Londres. El día 1 de enero a las 00:01 iban buses por la calle... con gente dentro!
Pero no gente que iba de fiesta, no... gente normal yendo a sitios, como la que va sentada en el asiento de atrás un martes a las 4 de la tarde...
Melody, favorita para EurovisiónCerrado el plazo en TVE, la joven cantante lidera finalmente las votaciones por delante de Soraya.
Q t parece? ya starás nervioso...
Lo q no t pase a ti en los autobuses.. yo creo q si t montas y en algun trayecto no pasa algo no te vas contento a casa!y xq cogiste el n91?? no me cuadra!
Publicar un comentario